馬後砲系列：維亞生物（1873）

本來通常都唔會寫個股，但係今日隻維亞生物嘅升幅令到我心情大好，一隻股票托起左成個盤91bps，所以想好似上次嘅平安好醫生咁樣寫返個馬後炮。

其實差唔多半年前開始睇維亞生物，嗰時係透過JPM既Initiation Report接觸到，而當時炒藥明生物/藥明康德呢咋ODM炒到㷫烚烚，所以放咗喺watchlist。一開始嘅感覺係佢好平，主要原因係規模比較細，同埋佢用嘅business model未被市場接受到。對於能見度非常高嘅ODM行業，龍頭有非常清楚嘅backlog喺手，而相反維亞生物有一部份係用Equity-for-service(EFS)，即係唔收錢，但係收股權，相對嘅能見度比較低，所以估值打咗個折扣。（但係講真，其實EFS都只係佔兩成（圖一），估值唔使差咁遠掛）

直到近排佢出1Q20業績非常亮麗：1）喺疫症底下，FY19嘅Top Line/ Bottom Line +58%/ +165%，2）大家擔心嘅EFS竟然升+96%， 3）管理層嘅guidance冇變，維持嚟緊三年每年有50%增長，所以我哋係$3.8入咗三分之二嘅貨，因為覺得以上三點會構成估值修復。

基本因素睇完就可以睇技術分析：去到$4.7嗰個位，大致上已經中晒VCP嘅形態，Volatility收縮第二次（圖二），所以買埋最後嘅三分之一 （圖三），之後呢兩日成交量向上突破，The sky is the limit…

（有興趣知道多啲Volatility Contraction Pattern嘅嘢，可以睇吓J Law 嘅影片，佢講得好詳細 超績投資客 Super Performance Investor）