「五窮月」投資方向

有朋友問路飛最近嘅Trade法係點樣，其實可以用一個圖講晒。

呢個圖有四條線，分別係恒生指數（HSI Index)，一線行業一線股票（1ST1ST U Index)，一線行業二線股票（1ST2ND)，同埋二線行業一線股票。

一線行業主要有四個：IT，醫藥（ODM，Biotech，Medtech)，內房服務，本土消費。二線行業就包晒一線行業以外嘅所有行業。一線股票就係嗰個行業嘅「龍頭」，通常係市佔率最高，或者營運得最好嗰間。

幾個重要嘅觀察點：
1）即使你買晒每一個行業嘅龍頭，佢只係幫你跑贏大市3%
2）只要買中一線行業，無論你買龍頭或者龍尾，都唔差得去邊（有25-53%嘅升幅）
3）五月份對於大部份行業都係「五窮月」，但係對於一線行業就係大牛市。

所以路飛避開咗五月初跌嗰一千點之後就開始入一線行業，一路揸住60%-80%貨，剩低揸住嘅現金就當係睇大市同二線行業向下，所以都好好彩可以將NAV推到去新高，跑贏大市22%左右。