大市·高瓴資本·B股估值

近排有朋友問應唔應該入市，答案其實唔係咁一刀切：

1）弱勢傳統股估值偏低，所以正常情況會跟大市向下調下。但係當有risk on嘅情況，會彈一下勁（好似今日咁），但係若然出現，都唔好太興奮住，因為呢個係「轉勢日」嘅情況（同資金既relative risk return有關），通常都唔會持續太耐，但係如果頂到一個時間，就證明市底真係好強。

2）強勢行業越炒越集中，由四大範疇（IT，醫藥，物管，消費）炒到得返「高瓴資本」股，大家望住佢個list黎炒。資金超級集中，尋日望住佢啲嘢隻隻升8-10%，非常誇張，尤其是係B股，隻隻都同投行目標價差80%-100%。其實要升上去絕對唔難，最緊要有信心，因為全部B股都係用DCF計出嚟，再俾個probability weighting每一隻藥（由Pre-clinical到Phase 1/ Phase 2/ Phase 3，再去到NDA，佢嗰隻藥嘅weighting會越來越高），但係實質weighting嘅數字係幾多其實真係art（e.g. sell side可能比70%，buy side可能只係比35%，但係近排市場有多啲信心，將35%推上去45%已經不得了）

用呢個框假做基礎，路飛今個月都將個盤嘅盈利double咗，由4-5%推到上去9-10%，其中一個關鍵係重倉左維亞生物（1873），下一步要睇嘅風險係大市會唔會risk on到資金流出強勢行業。