投資嘅藝術性

有人曾經將投資股票比喻為買畫:一幅名畫值幾多錢,如果你冇任何經驗,其實係完全判斷唔到,但係當你睇過幾千幅之後,你就開始會有一啲估值上嘅感覺,但係感覺都可以隨時變(e.g. 畫家死咗,近排興乜嘢題材等)。係股票估值上,雖然計嘅方法好standard,但係用乜嘢model(DCF,PEG,定係SoTP),model用乜嘢parameter,就有好多斟酌嘅地方。

以微創醫療(853)為例,過往10年都處於牛皮嘅狀態,各投行一直俾$5-10既目標價。冇辦法啦,大部份嘅估值都係用DCF做base(圖一),但係微創有趣嘅地方就係將大部份既sales(大約15-20%)隊番落去R&D同埋SG&A(圖二),搞到個earnings同cash flow一直都好唔靚仔(圖三)。

但係自從上次好業績之後,再加埋市場對醫療板塊嘅興趣越來越高,開始有多啲人用TAM(Total Addresable Market)嘅角度去睇佢嘅估值,咁樣成件事就即刻唔同晒。你會覺得佢做R&D係為未來鋪路,earnings如果唔收壓嘅話可以彈好多,仲可以同國內國外嘅公司市值做比較,真係不得了!

其實估值偏低嘅公司非常多,但係如果你提早買入左,可能等三五七年都未有re-valuation,所以我都係傾向等市場開始有re-valuation嘅諗法,到時先理解再放錢落場。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: