放貨Take Profit嘅一日

尋晚見到國安法嘅時候，即時諗到會嘅係會重創香港base嘅股票，所以二話不說先沽期指（嗰時啱啱好24000點），做一個睇淡香港嘅trade。

望一望手頭上嘅股票，全部都係內地公司，基本面情況應該唔係太差，但係有兩個情況：1）如果呢件事trigger咗成個市場嘅risk off，咁就要放貨；2）呢件事影響香港人揸股票嘅信心，特別係近排咁crowded traded，一開始人踩人就唔得掂。今朝開市已經判斷係中晒兩個情況。

通常呢啲日子，勝負嘅關鍵在於你肯唔肯take profit走人。感覺一定唔係好，因為賺少咗錢，但係我哋嘅經驗係通常呢個位唔放，後面就會後悔（再加埋一開市跌500點，真係太少！）Well… 我哋ytd仲有5% return，not bad!

今日做得最好係維亞生物，當全世界都大跌嘅時候，佢竟然倒升，所以即刻喺7.65先沽1/3，再係7.3-7.5再沽1/3，由於維亞佔個盤嘅比重非常大，令到今日輸嘅錢大大減少。（呢一隻賺咗大約70%，好誇張）

其他零零碎碎嘅感想：
1）攻擊係最好嘅防守：自從三月尾不停進攻到而家，儲夠足夠嘅盈利去抵禦今次下跌。
2）再一次證明，後追嘅股票永遠都冇乜好結果
3）集中比分散更能控制風險
4）又有機會買好股票啦！今轉主要用二線股追上去，係比較high risk low return，終於有機會轉返啲一線行業一線股

（圖：每次呢個時候，我都好鍾意開youtube睇返Margin Call “This is it”果一段，特別有氣氛）