即刻買返Crowded Trade嘅股票？

相信上星期嘅1300點調整，有人take profit，有人cut loss，而呢一兩日亦都有人急不及待咁買返，話晒都FOMO (fear of missing out)。路飛都放咗啲貨，而今日嘅反彈差唔多去返沽出嘅價，所以我就開始諗：今次嘅操作有冇問題，需唔需要即刻買返？

當我睇返維亞生物嘅圖，即刻令我諗翻起好耐之前睇過嘅market cycle（見圖），成個過程直頭一模一樣（第一次買入係Stealth Phase既$3.8，第二次買入係Awareness Phase入面嘅Bear Trap既$4.5，到咗而家去到$7.5放貨，大約係Mania Phase既Greed/“New Paradigm”嘅部份）。

諗一諗之後發現，即使現價同放出價一樣，唔同嘅地方在於公眾嘅參與度。仲記得一開始買嘅時候，計完個估值之後發現非常平，但係出奇完全冇人講，所以決定放big bet。到咗而家，每10分鐘秒投嘅聊天室就會有人問「1873上望多少，thanks」，呢個trade真係越嚟越crowded，所以由low risk high return已經轉變成high risk low return。

Crowded trade 既公司，大家都好清楚講緊係邊一啲，唔係話將來唔會升，但係相信會有比以前有更加大嘅volatility，所以路飛都係諗住將資金移去另外一啲行業，搵返啲未有人講嘅行業同公司，準備定一兩個月之後公眾將會討論嘅股票。