投資如同捉棋

對於專業嘅基金經理，其實不會太執着做得最好嗰一兩隻股票贏多少，反而重點係剩下既持倉會否拖累整個大盤（舉個例，即使10% weighting嘅股票得到20%既升幅；如果剩下嘅90%下跌多2%少少，就會將回報率歸零。

就同捉棋一樣，唯一的目標係最後獲得勝利（i.e. 回報率/ 跑贏大市）。若果只集中係一隻「車」係咁食人哋啲棋，而忽略剩低15隻棋嘅整體部署，最後都係唔能夠獲得最後勝利（除非對手好渣）。因為無論一隻棋有幾利害，都唔能夠照起成個局勢。唯一方法，就係每隻棋互相緊扣，一起作出攻擊同防守。

所以，每當有股票做得好嘅情況，先不要自滿，要用多啲時間管理未收成嘅股票。