星期五朝頭早，9:30一開市就掃貨，掃曬三個行業（IT，醫療，物管）入面最靚嘅股票，順便買埋期指做day trade。到咗10:00左右，大約將倉位由之前嘅兩成推到上六成幾，要買嘅嘢買到差唔多，所以收手揸住呢個倉位。今次冇買到消費類，因為現價同沽貨價差不多。收市嘅時候，當日大市跌0.7%，我哋個盤升1.0%，主要係買物管嘅時候仲係負數，而收市嘅時候升緊2-4%。
加倉/入市主要原因：1）認為特朗普出嘅招比預期弱，2）想買嘅股票調整咗10-20%，3）大部份投資者都採取wait and see嘅策略。其實仲有一兩個比較關鍵嘅原因，但係政治/心理對弈嘅嘢就唔講咁多啦。
今次有趣嘅係，對於特朗普所出嘅招數，大家睇嘅新聞都係一樣，但係機構投資者同大眾討論區嘅反應卻南轅北轍，主要係當中嘅項目未夠清晰，導致有幻想嘅空間。機構投資者傾向認為現時所出嘅招數比預期弱，而大眾普遍認為引伸嘅影響比較負面。所以最後市場反映嘅結果都係木宰羊，都係睇邊一方嘅勢力比較大。股票市場最好玩就係呢樣野：其實冇乜嘢好辯論，大家有睇法之後買定離手，市場會話俾你聽你嘅選擇係多數定係少數。
弩飛投資 