正如尋日篇文講過：「機構投資者傾向認為現時所出嘅招數比預期弱，而大眾普遍認為引伸嘅影響比較負面。但係最後市場反映嘅結果都係木宰羊，都係睇邊一方嘅勢力比較大。」。既然係機構投資者影響力比較大，所以今日一開市再將注碼加大，將倉位由六成幾推上去九成幾，入嘅貨差不多清一色係內房（選擇內房嘅rationale下一篇文先講）。
過埋今日，星期五加倉嘅IT/物業管理/醫療板塊平均都升5%-10%，所以即使今日大市升得咁誇張，都好彩未比佢走甩（以前嘅我，係呢啲轉勢位，通常都會輸番1-2%）。再加埋今朝頭10分鐘買嘅內房，更加令到今日成個盤最後跑贏大市少少。
（Sidenote: 今日7500有人開錯價（圖一），本來睇到吓，但係掛住追內房，所以冇理到⋯）
嚟緊其實中美之間個關係一定會越嚟越緊張，尤其是美國而家面對COVID加埋黑人被警察壓頸嘅問題，中國一定會乘勝追擊。因為中國明白無論點樣，美國都係唔會放過中國，所以唯有喺佢弱勢嘅時候攻擊左先，近排呢一兩個星期都見到中國對外嘅態度都強硬左好多（圖二）。但係最後嘅結果都係要睇市場嘅反應（雖然我有自己嘅睇法），究竟資金會選擇流入去邊個國家，我哋拭目以待。
弩飛投資 