香港不是世界嘅中心

如果睇一睇環球嘅股市（除咗香港以外），基本上喺美國出無限QE之後，都已經反彈到COVID前七八成嘅水平。即使冇彈到咁高，大部份都傾向係四五月橫行之後，破頂向上突破，「五窮月」其實冇乜地方發生咗。始終當銀紙嘅價值越嚟越低嘅時候，優質資產嘅價值都係會向上。

冇錯，香港本地有個別嘅政治問題，但係香港股票作為一種asset class，都會受到嗰個asset class背後嘅基本因素推動，而環球嘅投資者喺做asset allocation嘅時候，所睇嘅只係數字同埋對比。

所以，當你企遠少少咁睇嘅時候，香港個別事件導致大市向下其實變咗一個好好嘅買貨機會（所以當時我哋都由兩成加倉加到九成幾）。而當大部份人認為今次只係夾倉，或者反彈完會即刻跌，我唔夠膽睇得太淡。