再談風格轉換：Growth 轉 Value

週末好多人都談論今個星期嘅大市會點樣走，應該加倉定減倉，但如果睇一睇今日成個市場非常分化嘅情況，就會發現「大市升跌」並唔係最關鍵嘅問題。

先睇新經濟股（IT，醫藥，物管，教育），一隻閑閑哋都跌3-5%；另一邊睇吓地產，內房升2-5%，香港地產都有1.5%。所以如果你想透過期指做beta hedge新經濟股，根本冇可能，因為短期個beta大到嚇死人。可以做嘅只有放貨，或者捱價，又或者調錢入去舊經濟。

呢種風格轉換嘅玩法，係真係比較複雜，要喺事情發生之前準備好，當市場留意到先作出調動就會太遲。但係對於普通散戶來講，其實唔需要咁樣玩，因為如果你只有十隻八隻股票，alpha嘅影響絕對大過beta。另一方面，比較大嘅基金亦都唔可以咁樣玩，因為轉身比較困難，同埋如果轉換時間做得唔好，計埋手續費同埋滑價，可能唔搞好過搞。

由於我哋預先睇到今次轉換，所以都順利避開左今轉新經濟股嘅跌幅，將同指數嘅距離拉遠到25%左右，同時將會加強警覺，加強防守力，減少攻擊力。咁當然我係唔會放棄新經濟股，去返價格啱嘅時候再投資過。