無限QE後風格轉換：Growth轉Value

呢個週未，路飛一直處於周身唔聚財既狀態，因為諗到無限QE對呢個世界嘅禍害：資產泡沫繼續膨脹，貧富懸殊加劇。望住聯儲局嘅Balance Sheet，由金融海嘯到而家，膨脹左四倍，而每個國家貨幣嘅inverse，例如美國嘅股票市場、香港嘅樓市，亦都同時間膨脹左四倍。幾年前咁辛苦先慢慢開始縮表，而家竟然可以三個月內將Balance Sheet再膨脹兩倍，導致全世界嘅資金race to asset⋯

正如上一篇文「 香港不是世界嘅中心」嘅睇法，香港股票市場會係一個追落後嘅asset class（正當全世界突破向上嘅時候，我哋因為國安法壓左落去）。而今次追升嘅，好大可能係長期俾人拋棄嘅value 股。現時大量傳媒同基金都將焦點放咗係增長股，若果有資金返番去value stock，平衡返value同growth嘅相對值博率，呢個趨勢可以持續一段時間。其實呢個趨勢係其他市場已經發生咗，所以喺香港重蹈覆轍絕對唔出奇。

因此，今次我哋入貨平衡左growth同value嘅比例，去到差唔多一半一半（前一個星期入咗內房，到上一個星期入埋香港房地產），眨吓眼差唔多將個盤推到上100-110%既倉位。