由板塊輪動轉為risk off

話說見到美國嗰邊嘅value股開始有啲弱勢（例如飛機同埋銀行），再睇返六個月前嘅筆記（即係上年12月嘅時候，強勢股調整，value 股跟隨指數反彈8%），今次風格轉換嘅幅度同上次差唔多，只不過時間短左一半，再加埋value已經反彈到我哋認為合理嘅估值，所以今朝一開市嘅操作係「沽淸所有value股，轉換到合理價嘅growth股」(主要係將內房同香港地產轉換做物管同醫療板塊）

食完飯之後，覺得有啲唔對路。澳幣跌得比預期多，油價撞緊落去，亞太區市場（澳洲，日本，韓國）跌到有risk off嘅感覺。跟住新債王又話今次個升幅，散戶參與度非常高，但係機構投資者比較少參與。二話不說，未食完午餐都即刻打電話沽貨，平番啲澳幣，買7500，眨吓眼將個倉位推落去得返四五成，剩低成個半最優質嘅股票。始終今轉真係賺得多，所以由幾日前開始個策略轉為「不加倉，只有轉倉或減倉」。

寫緊文嘅時候，見到歐洲同美國期貨都跌緊 3% – 4% ⋯