投資進步嘅空間

投資最有趣嘅地方，就係無論你嘅能力有幾高，永遠都有再進步嘅空間。所以專業嘅投資者，其實係冇咩時間去辯論自己既方法如何比別人優勝，因為尋找進步嘅過程已經需要大量嘅時間。而過於守護自己現時嘅策略，亦會成為進步嘅絆腳石。

雖然路飛現時嘅投資策略，已經處於「穩定資產增長 / 跑贏大市， 避開輸大錢」嘅情況，但係都一直尋找再進步嘅空間，亦都導致好多失眠嘅晚上。係近排有幸了解到另一位基金經理嘅操作方法，雖然佢嘅防守力冇咁強（主要因為基金操作限制嘅緣故），但係攻擊力/反彈力卻非常優勝。而我最欣賞嘅地方，在於佢能夠喺同一個時間，用同路飛八九成相似嘅股票，創造更高嘅回報（沒有加大槓桿，也沒有放棄潛在回報），簡單直接地推高了Sharpe Ratio。要做嘅改變，並非硬件上嘅嘢，因為大家嘅知識/努力/能力/工具都旗鼓相當，而係一個簡單心法上嘅改變。

因此，雖然現時個盤已經跑贏大市25%，但係希望加入咗新方法之後，下半年可以進一步拋離大市更加多。