袋鼠市：密食當三番

話說之前調整嘅時候，路飛個盤減低左持倉去減低下行風險，特朗普竟然唔瞓覺都要係Twitter講返一萬億基建，再加埋Fed再次毫無廉恥咁樣乜嘢都買，跟住日本央行又加入戰團，係咁極端嘅情況下，終於比大市追番1-2%。

雖然感覺很不爽，咁就唯有更加努力追番返嚟。由於現時不確定性很大，講放水就大升，講疫症就大跌，所以有人話而家係「袋鼠市」。進攻嘅方法會有啲改變，會減少持倉，但係加快Turnover（100%持倉 turn 1次 = 50%持倉 turn 2次，會辛苦啲，手續費高啲，但係風險會低啲）

眨吓眼，今日已經追番之前輸咗嘅1-2%。
1）中美話5G合作，所以前日同尋日入中興通訊，幸好今日升22%
2）內房股繼續發力，之前買落排名11-30嘅內房今日收成（特別係重倉嘅奧園，時代同埋龍光，今日都升咗5-10%），今日見到物管開始強番少少
3）ODM，醫療機械，Biotech係板塊輪動之下繼續調整，所以之前沽出一大半，套現返現金嘅決定正確。