中庸之道：板塊輪動 + 倉位控制

自從上一次恆指急升8%，我哋用內房做主要進攻嘅工具，情況比預期好，所以我都寫咗兩三篇有關板塊輪動嘅文章（主要想講吓其實香港唔係剩係得增長股可以投資，係適當嘅時候，value股都有佢可取嘅地方），但係長遠黎睇，我哋都係比較鍾意增長股。

到咗近排呢一兩日，見到value股嘅momentum開始減弱，而增長又再次吸引買盤，（例如2269，700呢啲行業龍頭都相繼破頂）所以呢一兩日開始將個盤嘅投資風格分佈平衡番啲，減少value股，增加增長股。同時，面對高波動性嘅市場（疫症同放水大對決），我哋將倉位控制係八成左右。

追貨亦都係一個好考技巧嘅環節，每個行業都揀選risk return最靚嘅股票，跟住place big bet，其實每次都係咁樣。以ODM為例，今朝見到2269/2359破頂，睇埋泰格嘅走勢，對比埋估值之後，決定用係6隻ODM入面只係搵3759做進攻，到收市嘅時候，已經得到比其他五隻多5%嘅回報（見圖）。

係三四十個cover嘅行業入面，搵最值得搏嗰五六個，在喺已選擇嘅行業入邊，再搵出risk return最靚果一兩隻，成個過程係幾痛苦，但係回報都係令人興奮。