「無盈利」比「有盈利」更吸引?

喺疫情嘅影響底下，股票可以分為三類主要嘅類別：
1)「能見度低/有負面因素盈利」嘅公司
2)「能見度高盈利」嘅公司
3)「好行業但沒有盈利」嘅公司

近八成嘅公司都屬於（1）嘅情況，其實都好合理：係疫症前正正常常咁做生意，疫症後Earnings同Multiple都受到負面影響，投資者亦都不願意面對出業績嘅不確定性，所以資金一直離開呢類公司。

有一成係屬於（2）嘅情況，例如物管/騰信/芧台/海天，又大又穩陣，即使短期盈利受到影響，都大約估計到業績唔會差得去邊。

最後一成係（3）嘅情況，例如B股/新醫療/新IT，未有盈利，靠TAM (total addressable market) 做估值，叫大家放眼看2025年。有趣嘅係，未有盈利反而更加好，因為反而唔怕未來幾季嘅業績，直接可以跳過短期負面嘅睇法，亦都唔需要諗Earnings同Multiple，只要相信未來市值可以達標就ok。

喺資金泛濫嘅情況下，資金被迫泊去不同嘅資產類別，而係股票方面，見到大部份投資者都係選擇（2）同（3），即使係crowded trade，都由得佢crowd落去，因為「確定性」同「希望」遠比「現實」更吸引。