自從7月1號之後，湧入香港嘅資金源源不絕，之前嘅判斷係value股（內房內險證券）應該會受惠，所以已經將倉位推上110%（一半value一半growth)去食今次個升浪。尋日講到等子彈飛一下，睇吓市場嘅資金會點樣佈置，其中一個諗法係會從growth股take profit，將資金移過去value，但係今日睇到個情況並唔係咁，反而係由於太多資金，導致value同growth一齊升。所以與其話係輪動，其實係value股加入左一齊升嘅行列。
Value股今次嘅升勢真係不得了，原先諗住今日可能調整之前升幅嘅1/3，話晒佢哋尋日都升咗8-10%，但係今日竟然都仲有力再去（保險+2%，內房+4%，證券+6-8%）。而今朝見到Growth股有啲弱，但係下晝都繼續破頂，所以都係諗住Value同Growth兩邊都要揸到實一實。
呢排唯一做得唔好嘅係物管，坊間有幾個hypothesis：多咗物管上市，分薄資金；嚟緊一兩年增長可能減慢等等。真正原因係乜嘢，仲未清楚，但係現時先將exposure減低好多，睇清楚先再出擊
弩飛投資 