回報率嘅謬誤

見到坊間好多投資專家,都會攞幾隻股票嘅回報率做例子去證明自己嘅投資實力:「曾經推介XX股份,回報率80%!」。明白嘅,為咗marketing,呢個係最直接嘅方法,但係回報率只係佔盈利嘅一小部份。 若果要證明自己嘅投資實力,重點係投資邏輯(唔係寫公司簡介),或者整體嘅投資回報。

盈利 = 回報率 x 機會率 x 注碼

回報率:增加回報率嘅方法好簡單,就係增加風險,或者投資低機率嘅事件,但係呢兩個方法嘅引伸問題都可以輕易轉移比讀者。舉個例,「交功課」可以製造surviorship bias,即使10%機會獲得50%回報,只需要最後攞10%嘅成功例子出嚟「貼堂」就ok;又例如,用期權/牛熊證製造幾倍回報,當然可以,因為佢哋係槓桿左嘅資產,佢嘅回報率當然犀利,但係你點會攞槓桿左嘅資產同普通資產做對比?(專業投資者合理嘅做法係用細注碼去hedge或者短時間內增加alpha)

機會率:其實你講10隻股票,用經典嘅「馬騮掟飛鏢」嘅方法,你都平均中5隻股票,所以講返話自己中過邊啲股票其實係冇意思。反而係你講過嘅所有睇法,無論升跌,點樣去處理,升咗嘅幾時take profit,跌咗嘅幾時cut loss。

注碼:奧陸資本蔡金強喺訪問嘅時候講過:「搵到賺錢嘅股票係應份,問題係你嘅注碼放幾多」。的確係,賺錢唔困難,持續賺錢先係困難,持續大注碼賺錢更加困難。有人鍾意貼自己嘅成交紀錄,證明自己有「切膚之痛」,買0.1%同埋買10%注碼都係「買入咗」,但係分別就好大。有人亦提議月供/分注買入,其實都係兩頭蛇,升就話已經買咗注,跌就話仲有幾注未買。

In a nutshell,其實想表達投資唔係一樣咁輕鬆容易嘅事。好多輕鬆簡單嘅「方法」,其實大部份都唔係foolprove ⋯

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: