新經濟股屠殺日

雖然大家都預咗呢一日會來，但係估唔到會咁狠，好多龍頭一開市就gap down跌4%，尤其是係IT股，閑閑哋都跌5%。

路飛個盤上次120%倉位衝上去之後，都開始保守左，收割到得返60%左右，剩低嘅大部份都係新經濟股。本來都預咗會有調整，但係估唔到跌起上嚟，都真係幾痛吓。雖然帳面輸番一啲，但係計返對比（指數/其他基金），都算做得唔錯。

而家應唔應該入市？其實好睇你嘅資金來源，如果你係基金，最緊要係跑贏大市，而家可以係一個加倉機會；但係如果係自己錢，保本最緊要，睇定啲先決定亦都係可以。路飛就比較保守少少，寧願錯過大賺嘅機會，都希望減少潛在嘅損失。所以雖然之前幾次，路飛都會趁呢啲調整嘅時間入市，但係今次反而退後少少，睇定啲先再決定。（特別係見到Nasdaq調整得比S&P多，所以假設新經濟嘅調整有可能比指數嘅幅度大）