反射理論看資金市

係今次資金推動嘅牛市入面,都可以見到Soros最經典嘅反射理論(Theory of Reflexivity)嘅影子。

簡單來講,反射理論嘅諗法同現代金融學嘅Equilibrium Theory啱啱相反,佢認為喺某啲情況下,股票價格上升係會導致需求上升,而需求上升會繼續推升股票價格,因此股票會走向兩極化嘅狀態。呢個情況發生嘅原因,係因為投資者未能完全理解各方面資訊帶來嘅影響,而當中嘅bias會影響observer參與在市場入面嘅表現,參與嘅情況亦會影響實質嘅情況,從而影響返股價。(有興趣可以睇返佢本The Alchemy of Finance)

其實同今次資金牛市真係好似:無限QE出場之後,股市開始升,本來反彈係冇問題嘅,但係當升到某個位嘅時候,就打破咗equilibrium嘅情況。市場就開始用無限資金/TAM估值方法去解釋股價不停上升嘅情況(Perception)。當越來越多人認同嘅時候,大家都用錢投下信心嘅一票,改變左整個股票市場嘅估值方法(Fundamental)。當估值不停提升,股價當然不停向上,構成一個完美嘅positive feedback loop。

係大部份歷史例子入面,呢個Positive Loop通常會耐好多,因為係Fundamental嘅環節,基本面嘅成長會令到Earnings向上。但係今次Earnings係向下,只係用Valuations推上去。冇錯,資金泛濫的確可以推高Valuations,但係資金傾向湧入仲有上升空間嘅資產,如果資產嘅上升空間有限,即使有大量嘅資金都可以選擇唔入去。

In a nutshell,我並唔係覺得大市100%會向下,因為只要如果資金返嚟,又可以炒返起佢,只係希望提供另類嘅思考方法比大家參考。(注:Soros提及過,佢最鍾意係成個loop unwind嘅時候,放下重注,win big)

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: