未來商業世界嘅構想

在疫症發生之前（B.C. – Before Covid），商業世界一直處於一個梯形嘅結構：市值越大的公司，整體嘅數量越少，最下層嘅就係最簡單嘅sole proprietorship。

但係疫症發生之後（A.C. – After Covid），一開始大家都諗住幾個月或者一年半載可以搞掂，所以短期燒吓銀紙都仲頂得住。但係而家發現距離完結遙遙無期，越來越多公司進入財困嘅局面，有好多中型大型嘅老公司都頂唔住，非常可惜。隨着疫症持續嘅時間越耐，相信夾係中間嘅企業嘅數量會不停縮小，剩低嘅只有財力非常雄厚嘅超大公司，同埋可以靈活轉身嘅超小型公司。

面對咁嘅趨勢，資金會傾向俾premium一啲財力雄厚/能見度高嘅公司，至少確保係可見嘅將來唔會執笠。而大部份嘅人力資源喺離開中層嘅公司之後，將會構成大量嘅失業，或者轉為sole proprietorship。

好多人都希望成個世界可以去返「以前」嘅情況，但係變幻原是永恆，只不過係以前比較多嘅變化係向好嘅方向，今次嘅變化係比較差，我哋一直其實都係去緊new normal。因此，投資嘅環境同取向都唔會返返去以前嘅情況，只會不停向前改變。

當呢個大潮流有一日開始影響到你嘅工作/投資嘅時候，你準備好未？