上次寫完「未來商業世界嘅構想」，主要想表達資金將會變得更加揀擇，追蹤嘅資產會越嚟越集中。由上半年開始，資金不停湧入去新經濟股，舊經濟只能夠係短暫輪動底下彈一彈，新經濟始終都係主線。若果中層企業嘅數量會慢慢減少，相信資金會預先走向最高層嘅企業，令到已經premium嘅估值變得更加premium，但係都合理因為佢哋亦都會攞到更加多嘅盈利，情況就好似美國嘅FAANG。
以ODM為例子（圖一），之前成個行業嘅趨勢都係一致，一齊跑贏舊經濟股，但係七月份之後，資金變得更加集中，只係選擇龍頭（2269），寧願買貴，都係選擇離開中間企業（1521）。TAVR（經導管微創主動脈瓣置換手術）都有同樣嘅情況（圖二），都係選擇龍頭（853），中間嘅企業要繼續等下先（9996）
若果想睇返理論性嘅文章，可以參考返「未來商業世界嘅構想」：
https://luffyinvesting.com/2020/08/04/未來商業世界嘅構想/
(權益披露：小孩才做選擇，大人全部都要，筆者提及嘅股票全部都有貨）
弩飛投資 