1H20業績趨勢

相信好多投資者都喺七月份保持觀望嘅態度，所以先行take profit（我哋都係），睇埋今次1H業績先決定再唔再入場，因此七月份係大升一個星期之後都調整左成個月。八月份一開始都係處於升升跌跌random walk嘅狀態，直到宜家1H20嘅業績開始逐步公布出嚟，開始有返啲感覺。

睇返我跟開嘅股票，差唔多八九成嘅業績都好過預期，尤其是係新經濟股。而股價嘅走勢同業績公告嘅情況都算正路，證明七月份嘅調整已經做咗revert to normal嘅效果，而唔係偏埋左一邊（例如：175，2382，268做得比預期差，股價就撞落去，vice versa）。新經濟大致上都做得唔錯，而舊經濟反而有啲驚喜（例如：大前日嘅Telecom，今日嘅IPP）

近排日日睇業績同投行報告，用神比較多，喉嚨有啲唔舒服。去咗睇中醫，中醫話「勞字兩把火」，建議休息多啲。但係真係忍唔住，好多股票想睇，唯有飲中藥頂住⋯