繼續休息繼續等

近排冇乜出post，因為操作上都冇乜大轉變：自七八月份以來，都繼續係有波幅冇升幅，依家睇返轉頭仲有跌幅添，所以都係一直揸住三四成貨。中間有機會先出擊，例如：出業績之後搏下re-valuation（眾安，小米，京東果啲），又或者新入港股通嗰啲（信達，百濟果啲）。有試過上返去七成，但係覺得唔對路，又調返落嚟。

簡單啲來講，三月至七月真係最容易賺錢嘅時間，求其買40隻股票，你都可能會中35隻（assume你真係要識揀股票先），問題只係你買個幾隻升得夠唔夠多。7月之後就啱啱相反，當你個portfolio有40隻股票，真係繼續升嘅只有5至10隻，其他都係大波動同調整。既然個Sharpe Ratio差過以前咁多，咁不如休息一下，等升跌明朗化之後再戰。