以不變應萬變

美國大選當前,市場顯得額外波動,最好嘅方法都係揸住一個自己舒服嘅倉位,以不變應萬變,喺不確定嘅時候唔好做咁多出入,等情況確定咗先再進行部署。試諗吓,若果你係100%睇好,上星期五突然跌500點,你有可能cut loss;或者你100%睇差,今日升600點,你都係會cut loss。所以如果你睇得太堅定,無論你啱定係錯,都好容易俾人左一巴右一巴打到。即使你透過對沖去移除beta,情況會更差,你會發現買開嘅嘢唔升,但係用嚟對沖嘅嘢舊經濟指數股輕輕鬆鬆咁升。

更何況最後邊個當選亦都唔係咁容易睇到(我都睇咗兩邊嘅支持者評論自己支持嗰邊點樣「贏硬」),即使俾你估中咗,市場點樣反應亦都係未知之數。反而今次最大嘅危機係兩邊都唔認輸,陷入左僵局嘅狀態,導致兩邊嘅救市方案出唔到,呢個下行風險都唔細。

所以,路飛而家都係揸住四成倉位,大部份同大市嘅關係偏低(低beta),啱啱見到美國對沖基金嘅數據(搵唔番將圖⋯),佢哋個beta由0.4跌到去-0.1。之前都有諗過「雙軌行車」,即係一半新經濟一半舊經濟,但係睇返轉頭可能食今日嘅600點之前,上星期五已經放晒貨,所以上個星期take profit先,都係一個唔錯嘅選擇。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: