近排女兒有好多幼稚園嘅面試，所以消失咗一段時間，同埋交易嘅數量少咗好多，主要都係揸住一啲同新經濟冇乜關係嘅股票（雷蛇、思摩爾、北控城市），同埋買咗一啲舊經濟（匯豐，中石化嗰啲）。去到年尾，都唔想個PnL變化太大，所以都係用Project Base嘅方法，倉位時大時細。
至於上次寫咗「新經濟轉舊經濟？」，入面講到會保守少少去睇，想睇埋新舊經濟調整嘅情況再決定，睇完之後覺得舊經濟嘅直搏率比新經濟高，所以有投資嘅價值。
簡單來講，試想像新經濟嘅估值已經去到兩年後嘅價，而新經濟嘅估值已經去番兩年前嘅價，所以變相兩者之間嘅估值相差四年。再加埋喺疫症嘅情況下，大部份基金都偏重新經濟股，仲要係比以前更加極端，例如以前係risk on嘅時候就新舊比例6:4，risk off嘅時候就4:6，但係而家可能已經推到去8:2，當依樣呢unwind嘅時候，新經濟會有大量嘅沽盤，舊經濟會有大量嘅買盤，所以以往最強勢嘅新經濟股票都開始有啲疲弱嘅跡象。
而尋日正正係呢個情況，今次終於連醫藥ODM都跌埋一份，之前喺「新經濟骨牌效應？」都有提出呢個可能性，幸好路飛係「跌到世界毁滅咁嘅樣」嗰一日放晒新經濟之後都冇買過，避開左一劫⋯但係相比朋友玩美股，真係不值一提（佢哋玩電動車，3D Printing，非洲Amazon，已經賺到飛晒去月球！）
弩飛投資 