拋物線變返直線

當一個公司/行業處於領先狀態，甚至係破壞性創新（Disruptive Innovation）嘅情況，理論上佢嘅盈利/市佔率/股價都可以呈現拋物線（Parabola)向上升。尤其是近年，在低息情況下資金泛濫，更多資金勇於投放在這些高速增長的公司，讓他們越戰越勇（e.g. Catherine Wood曾經提過，佢唔明白點解啲人會話Tesla會唔夠錢用，如果Tesla集資，佢係好願意俾錢佢繼續發展）

但喺中國嘅企業，拋物線的情況冇咁容易出現，就算出現咗政府都希望條拋物線變返直線，主要原因係國家嘅objective function有所不同。我記得之前睇過一個前consultant嘅美國政府官員嘅訪問，佢提到一間公司嘅objective function好簡單，就係賺最多嘅錢（除非你係NGO），但係一個國家嘅objective function有太多，根本冇可能兼顧得晒，所以只能夠取捨。中國之所以唔同，係佢個objective function對人民、政府、企業同其他國家有分別，冇話邊個啱錯，只係取捨問題。簡單啲來講，就係家族管理人同專業管理人嘅分別。

當然，當一間公司可以牟取暴利嘅時候，資金可以令佢嘅創新行得更加快，但係亦都有機會影響人民嘅生活。已醫藥為例，喺美國試過有公司整到創新藥之後大幅提價，係inelastic demand嘅情況下，令到投資者賺到好多錢，但係市面上好少人可以俾得起。而中國係「我不是藥神」事件後，大量降低藥物嘅價錢，雖然影響咗藥廠嘅盈利，但係多咗市民可以俾得起錢。所以與其等啲藥廠喺賺大錢之後，良心發現去做一啲公益事業，中國嘅做法係直接減低你嘅盈利，直接幫你做公益事業。