海爾智家看私募基金

海爾智家(6690)啱啱喺重組之後再次喺香港上市,而海爾電器(1169)就正式同大家講拜拜。重組過後嘅海爾智家成個結構比以前清晰好多,所以整體嘅估值更加容易跟同行作出對比,相信好多Buy side同Sell side而家都急急腳寫緊報告,主要都係講海爾智家身為行業龍頭,佢嘅市值(2800億港幣)冇理由低過美的(8000億)甚至格力(4400億),所以有re-valuation向上嘅空間!而且,重新包裝後嘅海爾智家再唔係本土嘅家電牌子,而係環球性嘅IoT品牌啦!

當我翻查海爾智家嘅上市文件同埋報告嘅時候,留意係2014年公司向KKR配售10%嘅股權去建立長期戰略合作夥伴關係。從嗰個時候開始,海爾智家就開始收購大量環球嘅品牌,包括:日本三洋電機白色白色家電業務,美國通用電氣嘅家電業務,紐西蘭Fisher&Paykel,意大利嘅Candy,差唔多做晒五大州嘅龍頭。

路飛對KKR呢類大型私募基金嘅能力完全冇懷疑過,佢地絕對有能力將一間公司嘅水平推去更高嘅level。大約八至十年前嘅某一日,路飛同同事揸住五本pitchbook去到KKR香港分公司,去見其中一個partner,互相了解大家對中國奶業嘅睇法。我直到而家都仲記得嗰位partner嘅眼神,完全係一對「鷹眼」,非常有霸氣!佢好仔細咁樣睇我哋每一張slide嘅每一個數字,同埋不停深入了解我我哋講嘅每一句statement,當時真係有唞唔到氣嘅感覺!但係其實呢啲都唔係重點,重點係佢有講番佢哋嘅策略,其中一個係透過佢哋嘅capital,network同expertise,可以短時間將一間公司提升幾個層次。

以牛奶行業為例,嗰時市場非常分散,每間公司都希望盡快做大做強,成為未來嘅龍頭。而私募基金亦都睇中呢個機會,參股內地嘅牛奶公司,跟住將自己嘅管理層放入去,提供國際水平嘅expertise,資金方面當然冇問題。而最正係透過佢哋嘅network,可以攞到最靚嘅奶牛同科技,呢啲幫助係內地嘅公司單打獨鬥下冇可能咁快完成到(你可以想像啲補習天王濃縮晒啲精華之後直接教個學生)。

所以,由KKR成為長期戰略合作夥伴後,到收購大量環球嘅品牌,再到重新整合股權結構(佢仲要特登喺法蘭克福上市,方便日後俾share一啲國外嘅管理層),成件事真係一個好靚嘅部署,相信野心不少!

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: