A股開紅盤後的進攻

黎到新嘅一年，A股既指數配合高成交突破橫行左六個月嘅高位，望住手頭上嘅A股，隻隻都升到停板（例如：格林美、隆基，仲有一系列電動車相關股），令我諗翻起2020年7月份嗰次大突破嘅感覺。

若然重複發生，最直接嘅方法就係買證券同埋保險，因為佢哋同大市嘅相關到最高。睇返佢哋嘅龍頭，保險係平安（2318）同埋大保（2601），證券係中金（3908）同埋招商（6099），佢哋睇落都率先破頂，企穩喺上面，幸好一個星期前因為博開紅盤嘅關係，已經買夠貨呢啲龍頭嘅貨。

下一步係睇吓資金會唔會流入同一個行業嘅二線公司，保險係中國太平（966）同埋新華保險（1336），證券係中信證券（6030）同埋中國銀河（6881），上次喺追落後嘅情況下，佢哋都升咗40-50%，所以喺1）內地指數破頂，2）龍頭股企穩喺上面，3）人民幣係咁升嘅情況下，決定搏一搏佢地啦！