新世代的估值方法

自從疫症之後，再加埋無限QE，銀紙嘅價值就好似美金嘅紙幣上面寫嘅「In god we trust」，真係得返個信字。

如果跟返金融學嘅理論，而家個discount rate非常低，搞到好多估值模型都出晒事。尤其是係增長型嘅模型，當個discount rate同growth rate相距越遠，令到最後嘅terminal value飛天，計返而家嘅present value，閑閑哋都升穿晒過往5至10年嘅股值範圍（因為背後嘅assumption完全唔同晒）。但係由於增長股嘅growth rate大過價值股，所以推出嚟嘅估值可以更加極端。現時增長股嘅估值係very expensive，但係價值股都唔係distressed，都係去返合理水平。

近排喺度睇返不同投行最新嘅估值方法，其中最常見嘅就係同外國嘅估值做對比(Peer valuation)。舉個例：雖然太陽能喺中國升咗咁多，當我哋30%增長嘅公司2020PE做緊30x-40x嘅時候，外國同樣嘅增長已經炒到60x，所以相對外國仲係有44%嘅折讓！又或者安踏（2020）同李寧（2331）嘅PE雖然同adidas/Nike差唔多，但係人哋嘅增長細好多喎，所以PE仲有好多增長空間！因此即使而家嘅估值見晒高位，但係個頂喺邊真係冇人知。