追兔仔嘅遊戲

香港嘅股票市場由2021年第一日開始,差唔多日日升,到今日都已經升咗10%左右。望住啲股票輪流升,就好似好多兔仔係你面前跳黎跳去,即使你手頭上有一兩隻,你都有衝動撲去追多一兩隻生猛少少嘅。但係追下追下,你會發現撲去新兔仔嘅時候佢會跳走咗,你放棄嘅兔仔又特別生猛,跟住最後其實跑唔贏指數。

呢種情況其實都出現過幾次,路飛初初玩嘅時候都中過伏,浪費咗好多錢係交易費用同滑價。而家呢個時代,個個都有程式,個個都反應快,見到今日升乜嘢就一窩蜂衝入去,跟住急急腳take profit。問題係當一隻股票升10%,通常執到4-5%左右(其實都唔錯,我見坊間好多教人day trade嘅朋友,透過turn多幾次個回報都OK)

但係我冇可能用呢個玩法,每日捉兩三隻就得,點有可能每日捉十幾廿隻?所以我選擇嘅方法係以靜制動,買爆曬倉位之後買定離手。幸好係2021年第一日開始,慢慢將倉位推到130%-140%,新舊經濟都揸住一啲(舊經濟佔多),同埋將全部基金同MPF放晒入去中港股市。跟住每日做微調汰弱留強,見到好嘅機會就將升得多嘅股票take profit轉入去。舉個例,今日早上將最重倉嘅證券同保險減一部份倉,將佢轉入去內房(1109同埋813),而唔會急追升得多嘅股票(因為升得多未必係勁,跌得少先有實力)

但係今日升得真係有啲誇張,所以我都開始移除孖展嘅部份,將倉位調返落去100%-110%,始終連升咗咁多日,咁樣心理上會好過啲。

有一則關於 追兔仔嘅遊戲 的留言

Nicolechow 發表迴響 取消回覆

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: