話說自從前日開始，大市連續升咗十幾廿日之後，路飛開始出現腰背痛。本來冇乜為意，但係越嚟越痛，覺得好奇怪，明明近排冇乜做過劇烈運動，坐姿又冇改變過，又點會突然腰背痛？
跟住突然諗返起Soros喺The Alchemy of Finance入面提到，每逢去到大跌市之前佢都會出現腰背痛嘅情況，好似身體喺度提示佢要開始小心，唔通我都遇上同樣嘅情況？Anyways，尋晚本來諗住瞓好啲，結果成晚個腦都喺度諗緊嘢（如果聽日跌，主要會係跌乜嘢，應該點樣應對），成晚都唔係好瞓得着⋯
最後，今日終於似番啲樣，跌成500點，係計完今日個PnL，幸好只係輸番今年盈利嘅二十五份之一（Given that 我揸咗好多指數股，雖然證券放咗2/3、保險放咗1/2），原來個盤嘅整體防守力都not too bad！
腰背痛突然消失得無影無蹤⋯
弩飛投資 