1）香港嘅市場，成也北水，敗也北水，大家都非常清楚，但係近排幾日雖然北水繼續落嚟，但係落嚟嘅速度已經減弱，一嚟可能香港市場短期升咗咁多，吸引力冇咁高，二嚟可能大陸開始水緊，香港自己都水緊啦，有唔少人沽股票抽快手同微創心通。圖中見到係北水用剩嘅額度，用嘅額度少咗，即係少咗北水落嚟。
2）至於大陸，通常新年前都會放水，俾啲企業有多啲流動性過年，但係今年有少少奇怪，呢個時候有少少收水嘅情況，亦都反映咗係CNH嘅Implied Interest Rate（感謝投行嘅Trader指教），當個指數越高就等於越水緊。
部署：其實要做嘅嘢尋日同前日都已經做晒，嗰時忍痛將最心愛嘅強勢股大幅減倉，真係有啲唔捨得。斬咗啲弱勢股係no brainer，但係睇完一大輪野，都係認為要將連新經濟都要斬一半⋯
回答返琴日「30000點之後嘅部署」，我都覺得係會窄幅上下擺動，但係我認為唔會喺30000點附近發生。喺定立上下擺動範圍之前，要先搵一個底部，而個底部喺邊度仲要睇市場兩邊嘅力量決定。
講真，如果今次嘅升勢係由11月開始睇，先升4000點，調整1000點，再升四千點，咁就差唔多7000點，調整1/3都跌穿28000，更何況個別股票個beta一定大過1好多。
In a nutshell，今次即使反彈都唔會急住買貨住，俾時間子彈飛下先
弩飛投資 