感謝富L窮S嘅資料分享，路飛將新冠疫苗最新嘅狀態圖像化，等大家一齊參考吓
根據紐約時報嘅統計，截至兩日前，全球有超過150種新冠疫苗進入動物或人體實驗階段，其中67種進入人體實驗階段，而進入臨床應用，準備大規模使用嘅有12支，以下係佢嘅分類：
滅活疫苗：傳統嘅做法，即係培養大量嘅病毒，跟住破壞佢嘅活性，放入人體
（主要都係中國做，印度都有做！）
重組蛋白疫苗：喺實驗室製造大量嘅新冠刺突蛋白，注射到人體入邊，訓練同激活免疫系統
腺病毒載體疫苗：先將腺病毒改造，將負責生產刺突蛋白嘅DNA放入去，注射入人體，等佢感染一部份人體細胞，跟住自行生產疫苗！
（康希諾（6185）就係做呢一隻！）
核酸疫苗：用脂納米顆粒，包住啲編碼刺突蛋白嘅RNA分子，注射入人體，呢啲果顆粒同細胞合體，將RNA放入細胞，自行製造刺突蛋白
（BioNTech雖然係德國公司，但係輝瑞參與左唔少，所以其實呢種疫苗主要都係美國做）
Anyways，其實冇得比較邊隻好過邊隻，因為好難做客觀嘅比較，但係若果有一日自己接種疫苗，可以諗一諗邊種方法聽落可行啲⋯
弩飛投資 