不勞而獲嘅感覺⋯

話說今日中午就收爐，我好興奮咁樣彈下彈下咁樣跳住離開交易室，老婆見到我就問：「我估你都係賺錢姐，平時又唔見你咁興奮？」。係喎，點解嘅？

事緣係今朝突然見到Dr Warrant彈出嚟嘅新post，見到佢話契媽啱啱買入平安好醫生（1833），望一望個價，升緊7%，睇嚟市場有反應喎。即刻諗起朋友嗰句：順勢而為，敢上倉位！所以即使諗住收爐唔搞咁多動作，都唔理咁多買一大筆先！之前移卡（9923）同眾安在線（6060）喺契媽買完後操作上做得冇咁好，今次唔應該犯同一個錯誤。

至於點解咁興奮，我諗係因為成個trade冇乜經過大腦，所以有啲橫財嘅感覺。平時買一隻股票之前，通常都要做好耐研究直到有足夠comviction，又要準備好入市嘅時間同位置，中咗就覺得係「應份」，唔中就覺得要檢討，所以情感上比較穩定。但係今次純粹得個信字，又真係有錢賺喎，呢種不勞而獲嘅感覺幾過癮⋯

(有興趣可以睇吓農夫嘅全民皆估，而家睇真係好好笑，非常貼近而家嘅情況）