滿倉過年 – 牛年部署

自從上次去到30000點，由於短期出現嚴重超買同埋馬駿出嚟講資產泡沫 ，再加上流動性突然收縮，所以路飛當時決定take profit再睇，將倉位減到60%。後來發現調整嘅幅度有限，流動性收縮只係短期性，所以二三日前決定將倉位推番去100%以上，而且今次主要買入抱團嘅股份（因為調整嘅時候見到其他即使risk return好靚嘅股票，調整嘅幅度都比預期大，所以其實冇得揀）

過咗呢一兩個月，暫時對2021年嘅部署分為三條主線：

1）內循環
2）創新/中國替代
3）零碳排放（呢個係一個大水長流嘅情況，因為要達到呢個目的，政府要放大量嘅資源落嚟）

基於以上三條主線，佢哋覆蓋左唔同嘅行業，而重複覆蓋嘅行業比單一覆蓋嘅更有投資價值，所以而家路飛買入嘅股票全部都係哩五個行業裏面：

1）電動車 （主要都係電動車嘅supply chain，因為相信淘金熱入面，賣鏟好過掘金）
2）太陽能（主要買太陽能玻璃+Polisilicon，成條supply chain入面，佢哋嘅需求大過供應好多，呢個情況應該持續）
3）消費（主要買內循環同創新有重疊嘅行業，例如電子煙，智能家居等，唯一可惜嘅係火鍋店買唔番，睇吓遲啲有冇機會⋯)
4）醫藥（確定性最高都係ODM，加埋PD-1嘅龍頭，留意康方嘅雙抗PD-1做得唔錯）
5）IT（首先攞3033打咗個底，再喺每一項細分揀龍頭，遲啲再講下ATMX入面暫時最睇好美團）