近排好多人討論緊「全倉派」定係「清倉派」做得好啲，自從CT10不停創新高，好多新經濟眨吓眼就殺估值跌咗30-40%，對於繼續strong hold嘅全倉派，當然希望股價快啲反彈上去，而清倉派就希望CT10努力向上，隊冧個市等自己可以執平貨。
根據非正式又低sample size嘅調查，active trading嘅「清倉派」普遍今年打返個和，而「全倉派」反而有10%左右嘅盈利。其實呢個有機會係唔同派別選股嘅結果，因為active trading嘅朋友傾向買高beta嘅股票，撞落嚟當然痛啲。全倉派通常揸一個portfolio，睇吓今年恆指同國指嘅表現，都跑贏唔少基金經理！
至於路飛，尋日做咗「半倉派」，因為終於等到second leg之後入咗50-60%股票。其實第一隻腳係可以入啲貨，但係始終想穩陣啲，同埋睇清楚應該揀乜嘢行業同埋style（下一篇文先講）。有人問驚唔驚FOMC，其實唔係好驚，因為呢個已經係known risk，而家市場最驚嘅永遠係unknown risk。冇錯，CT10不停係咁升，但係見到市場已經開始消化緊，認為升到去2%都係應該。反而近排開始擔心緊Ray Dalio講嘅而家總之唔好揸現金同債券，點都要揸啲asset，其實做清倉派做得耐，都有唔少壓力！
(圖為渾元形意太極掌門人馬保國)
