先回顧番乜嘢係「趨勢樣板指數」，簡單來講「0」就係處於中長線下跌趨勢、「7」就係處於中長線上升趨勢。Mark Minervini喺超級績效入面都只係考慮「7」嘅股票進行投資（佢仲有考慮埋相對強度評等，但係我通常會分開來睇，遲啲先講）。
增長股喺年初有好多處於「7」嘅狀態，而家少咗5%左右，取而代之係比較模棱兩可嘅「5」，即係有5%之前升得好勁嘅股票中長線冇升得咁清晰。但係「0」至「4」冇乜多度，表示雖然唔係升，但係唔完全變咗跌。
價值股喺年初有好多處於「0」「1」嘅狀態，即係長期處於下跌浪，獲得「6」「7」嘅少之有少，但呢三個月變化咗好多：「0」同「1」嘅數量減少左一半，「5」「6」「7」嘅數量多咗一倍，係一個非常明顯嘅變化。
簡單啲來講，增長股暫時要休息一下，有一部份價值股由下跌趨勢轉為上升趨勢，大家有冇感受到呢？
弩飛投資 