話說有讀者話我都幾「燈」，講話清左倉之後個市就反彈，跟住都有朋友pm我問買得貨未，個市好似見底，所以都想一次過講返成個思路：
– 其實清倉係指我唔用long fund嘅方法去玩（即係揸30-40隻股票，strong hold，跟住調節倉位咁樣），我會轉左用project base嘅方法（即係有機會，睇吓自己可以輸幾多，跟住放一筆錢落去，唔急住跑贏個市，最緊要有absolute return）
– 呢個做法係因為睇返過往10年嘅trade record，係呢啲「清晰嘅混沌期」我通常都輸錢，主要有兩個原因：1）資金好急、喺唔同股票之間走來走去、所以形成大升大跌；2）揸得多股票嘅時候，好容易高買低賣，但係揸得集中嘅話，有可能中黑天鵝。
– 今次出擊唔好嘅地方，係聚焦左係舊經濟，佢出現second leg嘅時間同新經濟唔同，而由於當時我手頭上都係銀行之類嘅公司，以銀行見頂嘅時候啱啱就係新經濟見底嘅時間，所以咁橋喺「低位」清左倉⋯
– 有朋友個朋友個model話四月會大升；啱啱update咗自己個options model，都有機會升到去29500；跟住好多人話四月喺過往10年，有九年都升，其實我都贊成有呢啲反彈，我暫時覺得27500-29500都係合理擺動範圍
In a nutshell，雖然清左倉，但係我唔覺得一定係大跌，亦都唔排除會升，只不過嚟緊嘅波動性唔係好啱我玩啫，大家只要有conviction，就可以跟着自己思路去投資！
利申：我都係有返少少貨，主要都係買恒生科技指數，同埋行業龍頭（例如2269嗰啲，升破$100冇得唔追啦），相信大家搏反彈大機會都係揸返抱團嘅嘢
弩飛投資 