話說近排HKTV Mall改咗名，小米又改咗logo，所以路飛都趁呢個時候改埋名。既然台灣啲人為咗食免費壽司，都可以改自己個名做「鮭魚」，而家嚟到6000個follower（雖然唔係好多），又越來越多商業合作機會，為咗日後行更加長遠嘅路，「路飛投資」決定改名做「弩飛投資」！
我知一定唔慣㗎啦，我都好唔捨得⋯
想講返點解一開始會用路飛做筆名：
1）路飛同我同一日生日
2）路飛好鍾意笑，我覺得投資係一件開心嘅事；同埋有時做得唔好嘅時候，見到過路飛頭像喺度笑緊，心情會開心啲
3）路飛唔係最強大，隨着一次又一次嘅冒險，有成功又有失敗，慢慢咁成長
一路以來，好多讀者除咗叫我「路飛」之外，仲會叫我「路飛大大」同埋「船長」，聽咗咁耐真係好有親切感，其實即使改咗名，我都唔介意大家繼續咁叫我 
只要點解改做「弩飛」，一嚟差唔多音啦（我知「弩」字個音有少少唔同），二嚟「弩」係一種我好鍾意嘅弓，開始已經拉好晒弓，見到目標嘅時候撳個掣，直接攻擊，有種蓄勢待發嘅感覺。
我知其實有好多改名嘅可能性，我呢一個星期已經諗到頭都爆⋯ at least呢個覺得舒服，希望講講下就慣啦
弩飛投資 