香港樓市「股價圖」

話說之前股市大升,有朋友講過今轉完咗之後就會離開,將啲錢放返去樓市,因為始終磚頭最實際。都係嘅,錢喺唔同國家嘅inverse都唔同,當錢不停貶值,美國就係升股票、日本就係升債券、而中港就係升樓。

心血來潮,突然之間喺度諗:「如果香港樓市係一隻股票,會係點嘅樣呢?」。咁當然股價就係中原指數(有Bloomberg嘅朋友可以用CENLCCL Index),而成交量可以用美聯三十五大屋苑嘅二手成交量去做proxy(MIDPWKTR Index)。由於兩個指數都係用周做單位,所以放埋一齊都幾合理。

有趣嘅現象係香港樓市真係buyer’s market,有成交就有升幅,因為始終supply有限。樓價調整通常成交量都會向下,意思唔係有人大力沽貨,只係嗰排冇人買貨。調整到底嘅時候,通常就開始又有大成交,燃點新一轉嘅升浪。

嚟到而家,近排成交量不停增大,同埋好似突破三角形嘅走勢?(亂咁畫,唔好打我),大家有乜嘢睇法?

大家估計嚟緊嘅方向係升定跌?

後記:其實呢篇文主要係想帶出用美聯個指數做成交量同樓價拍埋一齊睇,呢個諗法好似幾有趣,想分享俾大家睇吓(我又唔係樓市嘅專家,純粹畫個三角形俾大家笑吓,如果真係要分析樓市,我應該會用大量基本因素去分析)

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: