牛年股票反彈力

自從牛年開始，新經濟股票經歷咗一次大幅度嘅調整，好多都係30%或以上，但係每一次調整都係審視好公司嘅機會，其中一個方法就係睇佢嘅「反彈力」。

反彈力係指一隻股票跌完之後，反彈番跌幅嘅幾多。反彈力越高嘅股票，表示市場更加急住買返佢啲貨（當然assume咗呢個位買貨傾向選擇優質嘅公司）

我自己嘅計法係：（現價 – 牛年低位）/ （牛年第一日 – 牛年低位）

所以反彈跌幅嘅一半就係0.5，反彈晒全部就係1.0。

睇返數據結果，有兩個觀察點：

1）調整30%以上嘅公司，多過九成都係新經濟，大部份都係上年炒到㷫烚烚嘅股票，我將下跌嘅幅度放埋入圖，俾大家參考（留意番，跌30%升返上去係升42%，跌50%升返上去係升100%！）

2）今次嘅反彈主要來自醫藥嗰邊，CRO / 創新藥 / 醫療器械平均反彈咗一半、醫療嘅醫院反彈得更加犀利！IT同消費除咗一隻半隻，相對上弱好多

嚟緊就嚟踏入五月，市場會開始慢慢講收水嘅問題，會唔會造成環球risk off所以sell in May，定係資金會留返啲去中國？呢一刻我都唔係好肯定，唯一可以做就係揸住一啲相對強勢，自己覺得舒服嘅股票。