話說星期四嘅時候問咗大家，如果要買股票，會選擇反彈力高，希望佢繼續跑贏；定係摶反彈力低，希望佢追落後。好多人都積極留言，差唔多清一色都係選擇反彈力高嘅股票，咁啱星期五大跌578點，正正係體驗防守力嘅時候！
根據我哋嘅推論，反彈力高嘅股票/行業，理論上係呢排比較多人偏好，所以唔單止升嘅時候應該比其他多，跌嘅時候應該比其他小。（如果升又多、跌又多，咁即係高beta姐，唔關市場偏好事）
睇吓結果，又真係關事喎⋯
- 醫療/CRO/醫療器械/創新藥呢啲高反彈力嘅行業，平均都係跌1%左右，仲要小過大市（醫療器械仲要逆市上升添⋯)
- 教育/IT/汽車呢啲反彈力低嘅行業，平均都跌多過大市
嚟緊正式踏入五窮月，大家個倉位準備好未？
有關「反彈力」係乜嘢，可以睇返之前嘅文章：
弩飛投資 