思考題：Fundamental變成Catalyst？

望住啲傳統收息股（2，3，6嗰啲），同埋原材料嘅升法，我開始思考緊一個問題：大家睇緊嘅基本因素，其實係咪從Fundamental變成Catalyst？

一個俾資金睇清楚銀紙貶值先係主線嘅Catalyst?舉個例：當銀紙印咗10倍，咁理論上所有資產都要升10倍（唔單只係新經濟，甚至係樓、收息股、銅、或者你食緊嘅麵包），但係次序有先後（因為錢係唔會等待，有機會就會一齊衝入去同一樣嘢）。上一年我哋見到新經濟因為「低息+疫症」可能升咗20倍，有冇機會Fundamental嘅因素推到10倍，但加上Catalyst令到資金集中，推到20倍？而家熱情散去，去番10倍（which is 合理價，我唔排除之後甚至有discount)。

近排到咗原材料大升，Supply Shock係基本因素，但亦都有可能係Catalyst，令到資金匯聚，發現原材料價格係印銀紙嘅背景下，即使同樣嘅supply/demand已經有改變左嘅equilibrium price？以前經濟學睇supply demand，價錢變化係因為supply同demand郁嚟郁去，但係而家係supply/demand郁嘅時候，大家先留意到價格嗰條axis嘅unit因為印銀紙變哂樣！？

近排環球嘅樓價升得好急，其實都可以想像到：印咗出嚟嘅錢最快當然入股市，炒完一輪之後risk reward冇咁靚，就會轉場去其他流動性較低嘅資產，所以三月嘅時候都整咗個樓市股價圖，問吓大家認為方向如何，因為有view嘅朋友都需要做定相應嘅部署。