近排都係休息狀態

先講吓近排嘅操作：其實成個幾星期完全冇出過文，大家都估到弩飛最近冇乜操作，繼續揸住10%貨仔（A股ETF，少少A股，少少收息股）當參與下，感受下市場氣氛。

其實自從今年3月4號寫完「進入清晰嘅混沌期」開始，我已經從Long Fund轉為Project Base，所以大家都一段時間冇見過我寫倉位係幾多。Long fund嘅意思係要好似一隻基金，持有一定倉位嘅股票，唔會因為波動而清倉，適合牛市；而Project Base係指每一次買入都係獨立嘅project，每一下進場都要準備定隨時離開，適合牛皮市同熊市。

其實近排都有炒一轉新經濟嘅，最盡都去到50%倉位，主要跟返上一篇講「反彈力」嘅方法去買，集中喺醫藥股（美團供股都有搏一搏），升咗十個八個percent就止賺。但係其實呢種火中取栗嘅玩法，一嚟注碼唔會大，二嚟風險又高，其實都係貪過癮，少玩為妙。