由上個月開始，弩飛一直都睇好A股，所以即使低倉位，都一直揸住3隻A股ETF（3147，2822，3188），亦都係4月23日寫咗篇文「A股 > H股 > 美股」，到咗而家A股指數平均升緊5-10%，而港股仲係跌緊（見圖一），美國上市嘅中概股表現亦都麻麻哋。
而今日，A股仲有發力嘅情況：
- 今日北向資金流向創新高，入咗成200億（圖二）
- 人民幣破頂，去返2018年高位（圖三）
令我諗返起2020年7月初嘅情況，當時A股同樣破位向上，所以為咗增加beta，我哋大大力加咗好多內證內險內房，後來獲得單日最高升幅。
今次嘅市場熱度冇當時咁犀利，但係睇返內證內險估值同埋A股突破情況就有啲相似，所以由尋日開始，我哋將個倉位打上去60%，主要用A股ETF同埋內股證券（同埋今次用埋A股嘅證券，上次佢哋升得多啲，跌得慢啲）
暫時趨勢都唔錯，全部都係好硬嘅陽燭收市，依家最緊要睇埋調整嘅時候嘅情況，去決定會唔會投放最後一筆資金。（呢個係「特斯拉閥」嘅諗法，我係本新書嘅第4.4章有詳細嘅解說）
弩飛投資 