教科書嘅例子(上):基石藥業(2616)

講一講背景先:其實一兩年前已經知道基石嘅存在,因為嗰陣時睇JPM嘅Initiation報告,介紹乜嘢係PD-1,分別介紹咗信達(1801)、百濟(6160),君實(1877),同埋基石。其他三隻就不停向上破頂,基石就自己喺下面浮浮沉沉(咁信達同百濟喺最多人中嘅肺癌同肝癌做得比較好,君實同基石選擇左少啲競爭嘅適應症),所以即使放咗喺watchlist嗰度,都一直冇乜理佢,一年幾前已經停咗對佢嘅研究。

但以估值嘅角度黎睇,基石真係低估得有少少誇張(喺呢度先唔用DCF去計absolute value,始終有好多主觀成份同assumption,留返比更專業嘅分析師去計,暫時先直接攞市值對比)。近排翻睇番基石嘅時候,佢得160億市值,而好多中小型biotech嘅公司,pipeline同技術含量小過佢,但係都有200至300億市值喎。咁原先會諗:可能佢基本面冇咁正呢,PD-1/L1呢個靶點而家又咁多人用,所以應該有discount⋯

如果睇返基本面,就發現更加唔止呢個價⋯首先,佢嘅主打舒格利單抗(CS1001)係三期非小細胞肺癌(NSCLC)已經註冊性臨床試驗達到主要終點,就快遞交新藥嘗試申請;第二,佢仲license in咗一系列嘅藥,今年諗住上四隻,至今已經有兩隻商業化上市;第三,對於國內嘅藥企,如果要license out,最緊要拍到好碼頭,而基石其中一個拍檔係輝瑞喎(我研究到一半嘅時候,突然傳出新消息,輝瑞同基石將會共同開發勞拉替尼,比之前嘅合作更加緊密),因此可以推出基石嘅底蘊應該唔差。

講完一輪,其實想表達雖然過往一年,基石係$8-$12中間浮浮沉沉,但係投行嘅目標價一直都係$17左右,等緊嘅就係合適嘅催化劑,結果喺主打嘅藥物收成加上輝瑞嘅合作,眨吓眼就推番去上市個位,令我諗翻起如果跟返《發掘超強港股》4.5章嘅諗法,可能有好靚嘅投資機會。今篇寫完基本面嘅考慮,下一篇先寫技術分析!

(利申:基石藥業得少少貨⋯純粹想share吓)

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: