其實本來上個星期已經寫好咗篇文，諗住喺基石突破上市高位之前出文，但係成個星期都唔得閒，拖下拖下而家先出，講聲唔好意思先⋯
以技術嘅角度黎睇，我係《發掘超強港股》第4.5章入面提到突破上市高位買入係有70%持續向上嘅機會（最好配合埋高成交）。背後嘅諗法係上市高位係反映咗公司上市時市場對佢嘅憧憬，而突破上市高位所表達係大家憧憬嘅情況成功咗，而基石嘅情況正正係書入面嘅「情況二」。圖一見到基石嘅上市高位係～$17，啱啱配合大成交突破左（黃色箭嘴）
至於點解會留意到基石開始爆發，係因為佢「陽盛陰衰」嘅情況非常明顯，比我嘅程式篩選左出嚟，所以我即刻盡快分析番佢嘅基本面。圖二見到好明顯嘅「陽盛」（紅色箭嘴）同埋「陰衰」（藍色箭嘴），詳細嘅formula同使用方法可以喺本書嘅第4.4章搵到
雖然本來我唔會急住買，但係呢個情況令我諗起康方（9926）同康寧（9966）係催化劑嘅影響之下，平均成交量大升，「陽盛陰衰」變得明顯，突破上市高位⋯ The storyline looks the same！
圖三：康方（9926）突破高位
圖四：康寧（9966）突破高位
所以，雖然未完全研究充足基石係成個行業嘅競爭格局，都決定入咗啲先⋯ 希望各位高手指點下、交流吓睇法！
弩飛投資 