繼續坐A股+醫療、分享吓愛帝宮

近排嘅操作冇乜改變，主要都係繼續坐A股ETF（3147、3188、2822），A股（比較多恩捷、隆基）同埋醫療板塊。之前諗住短炒嘅內地證券，平手走咗等月尾再決定（我本來諗住A股升+人民幣升 -> 想透過內地證券加beta）。同埋ATM我啱啱各入咗一注，因為之前二月份放晒之後，一直冇掂過，去到現時嘅估值水平，唔想過分underweight資訊科技（騰訊注碼高少少，因為確定性較高、同埋政治較正確）

近排有三孩政策出台，炒咗一轉愛帝宮（286），係富L/窮S戒窮進化筆記好耐以前推介俾我嘅股票，佢係國內月子中心嘅龍頭，我都有親身去參觀下，其實真係幾正：

▸ 沖涼係會花灑直接出薑水，唔使每次分開慢慢煲
▸ 有隨時ready嘅中醫師，因應媽媽嘅體質，每餐加入合適嘅中藥
▸ 有一個好大嘅綜合嬰兒照顧中心，嬰兒大部份時間都係姑娘照顧，媽媽有更多時間可以休息，同埋周圍都非常乾淨
▸ 照顧嬰兒嘅儀器非常充足，有太陽燈、BB游水池等，有黃膽嘅小朋友唔需要出出入入醫院

總括來講，我覺得真係五星級嘅服務，但係價錢真係有啲貴⋯（利申：愛帝宮已經走咗，因為覺得三孩政策到有effect仲有一段距離）